Важна для фармвытворцаў і іх прадстаўніцтваў!

Унесены змяненні ў парадак інфармавання медыцынскіх і фармацэўтычных работнікаў аб лекавых сродках.

Пасля нядаўніх істотных змяненняў ад 09 студзеня 2023 года ў Інструкцыю аб парадку і ўмовах інфармавання медыцынскіх і фармацэўтычных работнікаў аб лекавых сродках, уключаных у Дзяржаўны рэестр лекавых сродкаў Рэспублікі Беларусь, прадстаўнікамі вытворцаў лекавых сродкаў (зацв. пастановай Міністэрства аховы здароўя ад 17.04.2015 № 44), прынята новая пастанова Міністэрства аховы здароўя ад 11 красавіка 2023 года № 51, якая ўнесла чарговыя вельмі важныя змяненні. Набылі моц з 1 мая 2023 года.

Сярод новаўвядзенняў:

 з сферы дзеяння Інструкцыі выключаны адносіны, звязаныя з размяшчэннем рэкламы, забеспячэннем арганізацыі і функцыянавання сістэмы фармаканагляду. Пры гэтым па-ранейшаму актуальным застаецца пытанне аб размежаванні рэкламнай і інфармацыйнай дзейнасці;

 вызначаны дапушчальныя прававыя формы адносін паміж вытворцам лекавых сродкаў і прадстаўніком вытворцы. Прадстаўнікамі вытворцаў лекавых сродкаў могуць з'яўляцца:

- супрацоўнікі вытворцаў лекавых сродкаў (трымальнікаў рэгістрацыйных пасведчанняў) ці іх прадстаўніцтваў,

- супрацоўнікі іншых юрыдычных асоб, якія заключылі з вытворцамі лекавых сродкаў (трымальнікамі рэгістрацыйных пасведчанняў) або з іх прадстаўніцтвамі грамадзянска-прававы дагавор,

- іншыя фізічныя асобы, якія заключылі з вытворцамі лекавых сродкаў (трымальнікамі рэгістрацыйных пасведчанняў) або з іх прадстаўніцтвамі грамадзянска-прававы дагавор;

 удасканалена рэалізацыя асобных дапушчальных форм інфармавання медыцынскіх работнікаў, у прыватнасці, вусны выступ дапускае дэманстрацыю друкаваных і іншых інфармацыйных матэрыялаў; прадастаўленне інфармацыйных матэрыялаў у арганізацыі ў электронным выглядзе або на папяровым носьбіце павінна ажыццяўляцца без узаемадзеяння з работнікамі арганізацыі. Пры гэтым пералік форм інфармавання застаецца, як і раней, закрытым;

 дапоўнены пералік неправамерных дзеянняў прадстаўнікоў фармвытворцаў. Прадстаўнікі не маюць права ажыццяўляць інфармаванне работнікаў, накіраванае на прыцягненне ўвагі да канкрэтнага лекавага прэпарата (лекавых прэпаратаў), фарміраванне або падтрыманне цікавасці да яго і (або) яго прасоўванне на рынку. Насцярожвае суб'ектыўна-ацэначны характар дадзенага крытэра кваліфікацыі дзеянняў прадстаўнікоў як неправамерных. Пры гэтым застаецца адкрытым пытанне прававых наступстваў такіх дзеянняў (асабліва ў кантэксце таго, што адносіны па рэкламе дакладна выведзены з-пад дзеяння Інструкцыі).